Aankhein Moondh Leta Hoon

Tumhara Naam Likhta Hoon Main Kaaghaz Par
Dekhta Hoon Sochta Hoon
Woh Kaaghaz Phaar Deta Hoon
Phir Unn Kaaghaz Ke Tukron Ko
Mutthi Mein Bheenchta Hoon
Phaink Deta Hoon
Waheen Par Baith Kar Larta Hoon Khud Se
Wohi Kaaghaz Uthaata Hoon
Main Aankhon Se Lagaata Hoon
Phir Apne Paas Rakhe Paani Ke Pyaale Mein
Woh Kaaghaz Daal Deta Hoon
Main Tum Ko Sochta Hoon
Phir Uss Paani Ko
Taweez-E-Mohabbat Jaan Kar Peeta Hoon
Aankhein Moondh Leta Hoon